تعلم معى كتابة السيرة الذاتية
تابعنا فضلاً 
#سلسلة كتابة السيرة الذاتية
يعني ATS :
زي ما كلنا عارفين الجهة المسؤولة عن التوظيف وشؤون الموظفين في كل مؤسسة هي إدارة الموارد البشرية (HR).
لما يتم الاعلان عن وظيفة في المؤسسة كل السِيَر الذاتية يتم إرسالها لناس ال HR ، وبكون في موظف مسؤول عن فرز سِيَر الذاتية للمتقدمين وبعد يخلص عملية الفرز برسل السِيَر الاختارها لموظف تاني وهو بدورو كمان بفرز وبختار منو حيصل للمقابلة الشخصية .
طبعا موضوع فرز سِيَر الذاتية يدويا دا مرهق جدا وباخد فترة زمنية طويلة ، يعني اتخيل لكل وظيفة ممكن تتقدم آلاف السِيَر الذاتية خصوصا مع امكانية التقديم للوظائف عن طريق الانترنت .
نظرا للكم الهائل من السِيَر الذاتية الشغال عليها الموظف اكيد حيبدا يفقد تركيزو ويبدا يفرز حسب الشكل او اللون بدون يقرأ المحتوى .
وزي ما بقولو (الحاجة أم الاختراع ) تم اختراع نظام ATS عشان يحل محل الموظف المسؤول عن عملية الفرز .
ATS هو اختصار لي Applicant Tracking System ترجمتها نظام تتبع المتقدمين .وهو عبارة عن نظام لفرز السِيَر الذاتية وفق معايير معينة منها معايير ثابتة ومنها ما تحدده المؤسسة.
يعني مثلا لو نحن مؤسسة و أعلنا عن وظيفة مهندس معماري ، بس نحن عايزين مهندس يكون تحديدا متقن لبرنامج Revit هنا بنخلي نظام الATS يفرز السِيَر الذاتية عن طريق البحث عن الكلمة المفتاحية Revit و يطلع لينا كل السِيَر الفيها الكلمة دي .
وكذالك لو عايزين عمر معين او خبرة معينة الخ...
طبعا نظام ال ATS في قراءة السيرة الذاتية تركيزو بكون تحديدا على النصوص ، عشان كدا الألوان الكتيرة والايقونات بتصعب عملية قراءة النصوص للنظام .اذن لازم السيرة الذاتية تكون مكتوبة ومصممة بعناية ووفقا للمعايير عشان النظام يقراها بكفاءة عالية وتزيد فرصك في الوصول للمقابلة الشخصية و الحصول على الوظيفة .
ان شاء الله في البوست الجاي من السلسلة حنتكلم عن المعايير دي و الاخطاء الشائعة البقعو فيها الناس في كتابة السيرة الذاتية.
علق بي تم وتأكد من متابعة الصفحة عشان تنزل ليك المنشورات اول بأول .
علق واعمل مشاركة للمنشور ليصلك كل ما هو جديد من الموقع
تعليقات
إرسال تعليق